БІЛІМ АЛУШЫЛАРДЫҢ ЭКОЛОГИЯЛЫҚ ҚҰЗЫРЕТТЕРІН ҚАЛЫПТАСТЫРУДАҒЫ ЖҮЙЕЛІ ТӘСІЛ
DOI:
https://doi.org/10.52269/NTDG254224Кілт сөздер:
экологиялық құзыреттілік, жүйелік тәсіл, тұрақты даму, білім беру процесі, экологиялық ойлау, эко дағдыларды қалыптастыруАңдатпа
Мақалада жүйелі тәсіл негізінде студенттердің экологиялық құзыреттіліктерін қалыптастыру процесі қарастырылады. Экологиялық білімді қабылдаудың тұтастығын және олардың білім беру процесіне интеграциялануын қамтамасыз ететін жүйелік тәсілді қолданудың маңыздылығы ерекше атап өтіледі. Когнитивті, эмоционалды және мінез-құлық деңгейлерін қамтитын экологиялық құзыреттілікті қалыптастыру моделін жасауға баса назар аударылады. Ұсынылған модель экологиялық тақырыптағы ақпаратты қабылдау процесін, эмоционалды өңдеуді, іс-әрекетке мотивацияны, сондай-ақ экологиялық дағдыларды шоғырландыруды көрсетеді. Ұсынылған модельді бағалау мақсатында білім алушылар, профессорлық-оқытушылық құрам және экология саласындағы мамандар арасында сауалнама жүргізілді. Алынған нәтижелер ұсынылған модельдің тиімділігі мен қисындылығын, сондай-ақ оны білім беру процесіне енгізу мүмкіндіктерін көрсетеді. Модельдің негізгі элементтері атап өтілді мысалы, экология туралы білім, мотивация, ақпаратты қабылдау және эко мінез-құлық. Авторлар модельді білім беру процесіне енгізу бойынша ұсынымдар мен критерийлерді әзірледі, практикалық бағытқа, цифрлық және техникалық қолдауға және эко мінез-құлыққа мотивацияны дамытуға баса назар аударды. Экологиялық құзыреттерді кәсіби дағдыларға интеграциялаудың маңыздылығы және экологиялық білім беруді ұзақ мерзімді қолдау қажеттілігі атап өтіледі. Бұл модельді іске асыру тұрақты дамудың жаһандық мақсаттарына жауап беретін тұрақты экологиялық әдеттердің қалыптасуына ықпал етеді.
