БОЛАШАҚ ШЕТЕЛ ТІЛІ МҰҒАЛІМІНІҢ ДИСКУРСИВТІК ҚҰЗЫРЕТТІЛІГІН ҚАЛЫПТАСТЫРУДАҒЫ PHOTOVOICE ТЕХНОЛОГИЯСЫ

Аңдатпа

Дискурсивтік құзыреттілік – болашақ мұғалімнің екінші тілдік тұлғасын қалыптастыру үдерісіндегі коммуникативтік құзыреттіліктің негізгі құрамдас бөліктерінің бірі. Визуализацияға негізделген нарратив (фотовойс – photovoice) немесе фото-нарратив педагогикалық шындықта салыстырмалы түрде жаңа құбылыс болып табылады. Зерттеудің мақсаты – болашақ мұғалімнің лингвистикалық дайындығы аясында дискурсивтік құзыреттілікті қалыптастыруда фотовойс технологиясының рөлі мен орнын анықтау. Зерттеуге «Шетел тілі: екі шетел тілі» мамандығының 3-курсынан 72 студент қатысты. Олар «Арнаулы мақсаттарға арналған тіл (С1)» пәнін оқыды. Зерттеу әдістері студенттердің жазбаша жұмыстарын сапалық талдауды (өз фото-кейстеріне сүйене отырып нарратив жазу), сұхбат алуды және алынған деректердің статистикалық талдауын қамтыды. Педагогикалық эксперимент бірнеше өзара байланысты кезеңдерден (кіріспе, негізгі, қорытынды) тұрды және екі топта – эксперименттік (ЭГ) және бақылау (КГ) топтарында жүргізілді. Фотовойсты әртүрлі контекстерде қолдану (фото-кейстермен алмасу, фото-кейске рефлексия жасау) қарастырылды. Эксперименттік топта жазбаша мәтіндердің аргументтелу деңгейі, когезиясы артты, сондай-ақ ауызша сөйлеуде логикалық-структуралық байланыстардың белсенділігі өсті. Сапалық талдау барысында студенттердің рефлексивтілігі, сыни ойлауы және бастамашылдығының артуы байқалды. Зерттеу нәтижелері Photovoice технологиясының дискурсивтік құзыреттілікті дамытуға ықпал ететінін және оны болашақ шетел тілі мұғалімдерін даярлауға енгізуге болатынын дәлелдейді.