КОММУНИКАТИВТІК-ЭТНОПЕДАГОГИКАЛЫҚ ДАЙЫНДЫҚ СТУДЕНТТЕРДІҢ КӘСІБИ ҚҰЗЫРЕТТІЛІГІН АРТТЫРУ ҚҰРАЛЫ РЕТІНДЕ

Аңдатпа

Соңғы онжылдықтарда тарихи өткенге деген қызығушылықтың артуы – өскелең ұрпақты көпұлтты және полимәдениетті ортада өмір сүруге дайындау бөлігінде білім беру жүйесіне жаңа талаптар қояды. Бұл дайындық әртүрлі дәстүрлер мен әдет-ғұрыптарды, тұлғааралық қатынастар нормаларын, сондай-ақ ұлттық бірегейлікті қалыптастырудың нақты әдістерін қамтитын халықтардың мәдени мұрасын терең зерттеуді қамтиды. БҰҰ мен ЮНЕСКО-ның негізгі құжаттарында оқушыларды бейбітшілік рухында тәрбиелеу және басқа халықтарға құрмет көрсету басым мақсат ретінде айқындалған. Сонымен қатар, полимәдениетті және этномәдени бағыттағы стратегия білім беруді реформалаудың басымдығы ретінде танылады, бұл оның мақсаттары, міндеттері, мазмұны мен оқыту әдістемесі әр түрлі жаһандық өркениет жағдайында өзін-өзі анықтауға қабілетті этнос субъектісі және көпұлтты мемлекеттің азаматы ретінде тұлғаны дамытуға және әлеуметтендіруге бағытталғанын көрсетеді. Білім беру саласындағы мемлекеттік этносаяси стратегия педагогикалық процестерде этномәдени элементтерді мақсатты пайдалануға жол ашады. Дегенмен, жеке тұлғаны қалыптастырудың этнопедагогикалық және этнопсихологиялық ерекшеліктерін және мәдениетаралық өзара іс-қимылдың ерекшелігін ескеретін этномәдени білім берудің қазіргі заманғы модельдерін әзірлеу әлі де бастапқы сатыда. Болашақ педагогтарды даярлау мен қайта даярлаудың қолданыстағы бағдарламалары этномәдени білімнің бай бөлігі әлі толық көлемде көрсетілмеген. Бұл білім өткен мұраның жеке тұлғаны, қоғамды және жалпы адамзатты қалыптастырудағы құндылығын, мәні мен маңыздылығын тереңірек түсінуге мүмкіндік береді.