РЕФЛЕКСИЯЛЫҚ ҚҰЗЫРЕТТІЛІК ҚАЗІРГІ УНИВЕРСИТЕТ СТУДЕНТІНІҢ ҚАЖЕТТІ СИПАТЫ РЕТІНДЕ
DOI:
https://doi.org/10.52269/22266070_2024_2_91Кілт сөздер:
болашақ мамандар, еңбек нарығы, рефлексиялық құзыреттілік, рефлексиялық оқыту әдістері, рефлексиялық оқыту тәсілдеріАңдатпа
Зерттеу жұмысының мақсаты болашақ мамандар үшін рефлексиялық құзыреттіліктің мәні мен оның кәсіби қызметтегі қажеттілігіне талдау жасай отырып, рефлексиялық құзыреттілікті қалыптастыруда әдістер кешенінің тиімділігін анықтау болып табылады. Аталған мақсатқа қол жеткізуде болашақ мамандар үшін рефлексиялық құзыреттіліктің кәсіби қызметтегі қажеттілігіне талдау жасалып, рефлексиялық құзыреттілікті қалыптастырудағы әдістер кешенінің тиімділігін анықталды.
Зерттеуге қатысушыларды іріктеу нәтижесінде зерттеуге жалпы 60 болашақ маман жұмылдырылды. Қатысушылар екі топ жасақталды: эксперименттік топ (30 адам) және бақылау тобы (30 адам). Зерттеу жұмысы дайындық, негізгі және қорытынды кезеңдерін қамтыды. Негізгі кезеңде іріктеліп алынған, мақсатқа сай модификацияланып, бейімделген рефлексиялық оқыту әдістер мен тәсілдерді қолдану арқылы эксперименттің қалыптастырушы бөлігі ұйымдастырылды. Ал қорытынды кезеңде рефлексивтілік сауалнамасы, рефлексивтілік деңгейін анықтау әдістемесі, дисперсияның екі факторлы талдауы, жұптық салыстыру, мазмұнды талдау сияқты деректерді жинау мен талдаудың заманауи әдістерін қолдану арқылы жүргізілді. Бұл зерттеу жұмысында педагогика және психология факультетінде білім алып жатқан болашақ мамандардың рефлексиялық оқыту әдістері мен тәсілдері негізінде рефлексиялық құзыреттілігін қалыптастыру мәселесіне арналған зерттеу нәтижелері ұсынылды.
