БОЛАШАҚ БАСТАУЫШ СЫНЫП МҰҒАЛІМДЕРІНІҢ ЖЕКЕ БРЕНДІН ҚАЛЫПТАСТЫРУ БОЙЫНША ҮЙІРМЕ ЖҰМЫСЫ

Аңдатпа

Бүгінгі таңда нарықтық қатынастар мұғалімдерге жаңа талаптар қойып, білім беру ортасына белсенді түрде өтуде. Осылайша, ата-аналардың бірінші сынып оқушылары үшін мектепті емес, мұғалімді таңдау үрдісі қазіргі заманғы шындық екенін көрсетеді. Бұл үрдіс бастауыш сынып мұғалімі тұлғасының маңыздылығын көрсетеді. Сондықтан бүгінгі күннің өзекті мәселесі – мұғалімнің сұранысқа ие, табысты, танымал болуына мүмкіндік беретін жеке брендін қалыптастыру. Болашақ бастауыш сынып мұғалімдерін заманауи талаптарға дайындау үшін ЖОО оқу кезеңінде-ақ жеке брендті қалыптастыру бойынша үйірме жұмысын ұйымдастырудың маңызы зор. Авторлар үйірме жұмысының тиімділігін анықтау үшін өздерінің жеке брендін дамыту мақсатында үйірмеге қатысатын болашақ бастауыш сынып мұғалімдеріне сауалнама жүргізді. Сауалнамаға барлығы 23 адам қатысты. Сондай-ақ авторлар «Жеке бренд: табысқа апарар жол» үйірмесінің жұмыс бағдарламасына талдау жасады. Зерттеуді жүргізу кезінде авторлар барлық қатысушылардың құқықтары мен мүдделерін қорғайтын, сондай-ақ нәтижелердің объективтілігі мен сенімділігін қамтамасыз ететін этикалық принциптерді ұстанды. Сауалнама және жұмыс бағдарламасын талдау нәтижелері үйірме жұмыстары болашақ бастауыш сынып мұғалімдері арасында тұлғалық брендті дамыту жұмысының тиімді түрі екенін көрсетті.