ПЕДАГОГ-МУЗЫКАНТТЫҢ ПЕДАГОГИКАЛЫҚ ТЕХНИКАСЫНЫҢ ВЕРБАЛЬДЫҚ ЖӘНЕ ВЕРБАЛЬДЫҚ ЕМЕС ҚҰРАЛДАРЫ

Аңдатпа

Мақалада педагог-музыканттың педагогикалық техникасының бір компоненті – вербальдық және вербальдық емес құралдарын жоғары оқу орындарының оқу үрдісінде аса мән бере қарастыру көзделген. Осы тұста «педагогикалық техника», «вербальдық және вербальдық емес» деген ұғымдар төңірегінде білім алушылар деңгейлері тексерілді. Бұл проблеманы білім алушылардың тыңғылықты меңгермегенін анықтай отырып, ғылыми зерттеулерді талдай отырып, теориялық мағлұматтар беру көзделді. Яғни білім алушыларға қарастырылып отырған проблема бойынша теориялық білім беру мақсатында қысқаша вербальдық (сөйлеу) және вербальдық емес (мимика, жестикуляция, пантомимика, дауыстар сапалары, интонация, тембр, сөйлеу қарқыны, паузалар)  сияқты қарым-қатынас құралдары жайлы мағлұматтар берілді. Содан соң студенттерге сапалы білім беру мақсатында қарастырылған материалдар негізінде семинар ұйымдастырылып, көзделген мәселе бойынша талқылау жүргізілді. Талқылау кезінде баяндамалар дайындап, оқыған студенттердің жіберген кемшіліктері анықталды. Тыңдап отырған білім алушылар өз тараптарынан ойларын анық және тереңірек жеткізе отырып, толықтырды. Зерттеу барысында студенттермен бақылау, сұрақтар қою, сұхбат, ауызша талдау сияқты әдістер қолданылды. Бұл зерттеу жұмысында болашақ музыка мұғалімдері вербальдық және вербальдық емес құралдарды пайдаланудың әдістері мен тәсілдері негізінде  өзіндік зерттеу нәтижелерін ұсынылды.