МАЛ ӨНІМДІЛІГІН АРТТЫРУ ҮШІН САҢЫРАУҚҰЛАҚ ШАРУАШЫЛЫҒЫ ҚАЛДЫҚТАРЫН ПАЙДАЛАНУ
DOI:
https://doi.org/10.52269/22266070_2025_1_110Кілт сөздер:
саңырауқұлақ субстраты, саңырауқұлақ қалдықтары, қалдықсыз өндіріс, кәдімгі аспа саңырауқұлағы, өнімділік, экструдтауАңдатпа
Мақалада жануарлардың өнімділігі мен денсаулығын жақсартуға бағытталған пайдаланылған саңырауқұлақ субстраты негізіндегі азық қоспасының тиімділігі туралы зерттеу нәтижелері ұсынылған. Эксперименттер қояндар мен сауын ешкілерге жүргізілді.
Жүргізілген тәжірибе барысында саңырауқұлақ субстраты қоспасының қояндардың дене салмағына әсері зерттелді. Нәтижелер бойынша, тәжірибелік топтағы қояндар дене салмағының орташа өсімін 3.06±0.27 кг дейін жеткізіп, бастапқы салмағынан 18.6%-ға арттырды. Дене салмағының едәуір өсуі, азық қоспасының ас қорыту мен жануарлардың дамуына оң әсер ететінін көрсетті. Ал дәстүрлі рацион алған бақылау тобы дене салмағының 1.9%-ға төмендегенін көрсетті, бұл қажетті қоректік заттардың жеткіліксіздігін көрсетуі мүмкін.
Камори тұқымды сауын ешкілеріне пайдаланылған саңырауқұлақ субстраты бар азықты қолдану арқылы жүргізілген зерттеу сүттің майлылығын бастапқы 3.03%-дан 5.93%-ға дейін арттырғанын анықтады, бұл бастапқы көрсеткіштен 2.9%-ға жоғары. Бұл нәтижелер саңырауқұлақ субстраты жануарлардың өсу көрсеткіштерін жақсартып қана қоймайды, сонымен қатар сүт өндіруді айтарлықтай арттыра алады.
Зерттеу нәтижелері пайдаланылған саңырауқұлақ субстратын ауылшаруашылық жануарларының өнімділігі мен денсаулығын жақсарту үшін жемшөп компоненті ретінде тиімді пайдалануға болады деген қорытындыға келеді, бұл оны азықтандыру тәжірибесіне және қалдықсыз саңырауқұлақ өндірісіне енгізуге мүмкіндік береді.
