БҰРЫНҒЫ СЕМЕЙ ЯДРОЛЫҚ СЫНАҚ ПОЛИГОНЫ ЖАҒДАЙЫНДАҒЫ ЕШКІ ЕТІНІҢ ОРГАНОЛЕПТИКАЛЫҚ ЖӘНЕ ФИЗИКО-ХИМИЯЛЫҚ КӨРСЕТКІШТЕРІ
DOI:
https://doi.org/10.52269/RWEP252152Кілт сөздер:
азық-түлік қауіпсіздігі, ешкі еті, органолептикалық қасиеттер, радиациялық қауіп, физика-химиялық көрсеткіштерАңдатпа
Зерттеудің өзектілігі әртүрлі радиациялық қауіп деңгейі бар аймақтарда өсірілген ешкі етінің сапасын бағалаудың қажеттілігімен байланысты. Бұл аймақтар бұрынғы Семей ядролық сынақ полигонына іргелес орналасқан. Радиацияның мал шаруашылығы өнімдеріне әсері азық-түлік қауіпсіздігі мен халық денсаулығы үшін маңызды мәселе болып қалып отыр. Зерттеудің мақсаты – радиациялық ластану деңгейі әртүрлі өңірлерден алынған ешкі етінің физикалық, химиялық және органолептикалық қасиеттерін зерттеу және оның қауіпсіздігін қамтамасыз ету бойынша ұсыныстар әзірлеу. Осы мақсатқа жету үшін бақылау пункттерінде алынған ет сынамаларына органолептикалық, физика-химиялық және микробиологиялық зерттеулер жүргізілді. Еттің pH деңгейі, пероксидаза реакциясы, аммиак, формальдегид мөлшері, бактериоскопия әдістері қолданылды, сондай-ақ химиялық құрамы (ақуыз, май, ылғал, күл) анықталды. Зерттеу нәтижелері жоғары радиациялық қауіп аймақтарында ет сапасының нашарлағанын көрсетті: pH деңгейінің жоғарылауы, ақуыз мөлшерінің төмендеуі, ылғал мен майдың артуы, органолептикалық қасиеттерінің нашарлауы анықталды. Зерттеудің ғылыми жаңалығы – радиациялық әсердің ешкі етіне кешенді талдау жүргізуінде. Практикалық маңыздылығы – мал шаруашылығы өнімдерінің сапасын бақылау бойынша ұсыныстар әзірлеу және тамақ өнеркәсібі мен ветеринариядағы радиациялық қауіпсіздік стандарттарын жетілдіру.
