ҚОСТАНАЙ ОБЛЫСЫНДА ЖАНУАРЛАРДАН АЛЫНАТЫН ӨНІМДЕРДІҢ ЭНТЕРОПАТОГЕНДІ МИКРООРГАНИЗМДЕРМЕН ЛАСТАНУ ТӘУЕКЕЛДЕРІН ТАЛДАУ
DOI:
https://doi.org/10.52269/RWEP252112Кілт сөздер:
азық-түлік токсикоинфекциясы, энтеропатогенді микроорганизмдер, жануарлардан алынатын өнімдер, тамақ қауіпсіздігі, S. enterica, S. aureus, E. coliАңдатпа
Жануарлардан алынатын азық-түлік өнімдерінің қауіпсіздігін қамтамасыз ету, әсіресе, ауыл шаруашылығы мен мал шаруашылығы өнімдерін қайта өңдеу Қостанай облысында белсенді дамып келе жатқан тамақ өнеркәсібі мен денсаулық сақтаудың басым міндеттерінің бірі болып табылады. Ет және сүт өнімдерінің Salmonella enterica, Staphylococcus aureus және Escherichia coli сияқты энтеропатогендік микроорганизмдермен ластануы халықтың денсаулығына үлкен қауіп төндіреді.
Зерттеудің мақсаты ет және сүт өнімдерінің энтеропатогенді бактериялармен ластану дәрежесін анықтау және олардың таралуына ықпал ететін факторларды талдау.
Зерттеу барысында бактериологиялық және биохимиялық талдау әдістері қолданылды. Зерттеу материалы бөлшек сауда орындарында таңдалған 413 үлгі жануарлардан алынатын өнімдер болды.
Зерттеулердің негізгі нәтижелері мал шаруашылығы өнімдерінің 413 сынамасында 108 (26%) бактериялық изоляттар анықталғанын көрсетті: E. coli – 69 (63,8%), S. aureus – 36 (33,3%), S. enterica – 3 (2,77%). Ең көп ластану құс етінде (27%), шикі сүтте (21,2%), жартылай фабрикаттарда (19,4%) және сүт өнімдерінде (14,8%) анықталды.
Зерттеулердің нәтижелері санитарлық-гигиеналық нормаларды сақтау, өнімді сақтау және қайта өңдеу жағдайларын жақсарту, тамақ тізбегінің барлық кезеңдерінде қосымша бақылау шараларын енгізу қажеттілігін көрсетеді.
