МЫСЫҚТАРДАҒЫ СҮТ БЕЗІ ІСІКТЕРІНІҢ КЛИНИКАЛЫҚ-МОРФОЛОГИЯЛЫҚ КӨРІНІСТЕРІ
DOI:
https://doi.org/10.52269//22266070_2025_1_58Кілт сөздер:
ісік, сүт безі, мысықтар, диагностика, патоморфологиялық өзгерістер, гиперплазия, мастопатияАңдатпа
Бұл ғылыми жұмыста Астана қаласындағы үй жануарларының онкологиялық патологияларының бірі болып табылатын мысықтардың сүт бездерінің ісіктері мәселесі қарастырылған.
Соңғы жылдары сүт безі қатерлі ісігі туралы ақпараттылық үй жануарлары иелерінің арасында күрт өсуде. Үй жануарларына мұқият болу қатерлі процесті ерте кезеңде анықтауға мүмкіндік береді және оның өмірін сақтап қалуға көмектеседі.Осыған байланысты біздің зерттеу жұмысымыз «Зоосфера» ҚБ мысықтардағы сүт безі ісіктерінің клиникалық және морфологиялық көріністерін зерттеуге, олардың мысықтарда таралуын талдауға, сонымен қатар гематологиялық, ультрадиагностикалық, радиологиялық және гистологиялық зерттеу әдістерін талдауға бағытталды.
Зерттеудің мақсаты – патоморфологиялық өзгерістерді ескере отырып, «Зоосфера» қоғамдық ұйымында мысықтардағы сүт безі ісіктерінің негізгі клиникалық-морфологиялық көріністерін зерттеу. Осы мақсатқа жету үшін Астана қаласында мысықтар арасында сүт безі ісіктерінің таралуына талдау жүргізіліп, гематологиялық, ультрадыбыстық, рентгендік және гистологиялық зерттеулерді қамтитын әртүрлі диагностикалық әдістер бағаланды.Жұмыс аясында емхананың 2022-2024 жылдар аралығындағы амбулаториялық журналдарының деректері талданып, ауру белгілері бар 15 мысық тексерілді. Зерттеу әдістері клиникалық тексеру, ультрадыбыстық және рентгендік диагностика, биохимиялық қан анализі, сондай-ақ тіндердің патологиялық және гистологиялық сараптамасы болды.
Зерттеу нәтижелері мысықтардағы сүт бездерінің ісіктерін диагностикалау мен емдеуді жақсартады, сондай-ақ ауру ерте анықталған жағдайда үй жануарларының тірі қалу мүмкіндігін арттырады.
