ҚАЗАҚСТАННЫҢ ШЫҒЫСЫНДАҒЫ ДАЙЫНДЫҚТАРДЫҢ РЕПЕЛЛЕНТТЫҚ ТИІМДІЛІГІН САЛЫСТЫРУ

Аңдатпа

Бұл жұмыстың мақсаты – Шығыс Қазақстандағы ірі қара малды зоофильді шыбындардан қорғауда дәрілік заттардың инсекто-репелленттік тиімділігін салыстыру болып табылады.Бүгінгі күні көптеген репелленттерді қолдану- шыбындарда оларға деген төзімділіктің дамуына себепші болғандықтан, қазірде тиімсіз. Зерттеу жаздың күні жазық далада, шыбындардың жаппай ұшу кезеңінде, жасы 1 жыл болған ірі қараның үш тобында жүргізілді. Солардың бірі- зерттеуде бақы­лаудағы топ болды. Препараттардың репелленттік әсер ету қабілеті- репелленттік әсер ету коэффициентімен (РӘК) есептелді. Жануарлар бүрку тәсілімен залалсыздандырылды. Қолдану жөніндегі нұсқаулықты басшылыққа ала отырып, екі ең жиі қолданылатын Ципэк 25%, Флайблок препараттары салыстырылды. Препараттарға арналған нұсқаулықта 20 күн ішінде әсер ететін­дігі көрсетілген. Зерттеу нәтижесінде, репелленттердің бірі, емдеуден кейін 9 күн ішінде залал­сыздандырудан кейін ең жақсы тиімділікті көрсеткені анықталды. Зерттеу нәтижесінде алынған сандық деректерді талдау үшін IBM SPSS STATISTICS 20.0 бағдарламасы қолданылды, талдау маңыздылық деңгейін p<0,001 көрсетті. Қорытындылай келе, жануарларды эктопаразит­терден тиімді қорғау үшін препаратта көрсетілген мерзімдерді емес, тікелей шаруашылықта жәндіктер­ге әсер ету мерзімін ескеру қажет, себебі эктопаразиттерде инсектицидтерге төзімді­лік пайда болады.