ОҚУ БАРЫНДА СТУДЕНТТЕРДІҢ ИКЕМДІ ДАҒДЫЛАР (SOFT SKILLS) ДАМЫТУ: ПРАКТИКАЛЫҚ ТӘСІЛДЕР МЕН ӘДІСТЕР
DOI:
https://doi.org/10.52269/22266070_2024_4_285Кілт сөздер:
softskills, студент, құзыреттілік, тіл табысушылық, тәжірибе, еңбекАңдатпа
Мақаланың негізгі мақсаты – білім берудегі заманауи тенденцияларды ескере отырып, оқу үдерісінде студенттердің жұмсақ дағдыларын дамытуға ықпал ететін практикалық тәсілдер мен әдістерді талдау. Құзіреттілікке негізделген тәсілге баса назар аудару, цифрлық технологияларды біріктіру және жобалық оқытуды пайдалану сыни ойлауды, коммуникацияны, эмоционалдық интеллект пен топта жұмыс істеу дағдыларын дамытуға ықпал ететін жаңа білім беру ортасын құруда. Интерактивті сабақтар, кейс-әдістер, рөлдік ойындар, цифрлық платформалар мен тренингтер сияқты әдістердің тиімділігі олардың тәжірибеге бағытталған сипатымен және студенттерді кәсіби қызметке сәтті бейімделу үшін қажетті дағдыларды белсенді дамытуға тарту мүмкіндігімен түсіндіріледі. Сонымен қатар, жаһандану жағдайында ерекше маңызды болып табылатын мәдениетаралық коммуникацияға көңіл бөлінеді. Бұл тәсілдер студенттердің жеке қасиеттерін дамытып қана қоймай, олардың еңбек нарығындағы бәсекеге қабілеттілігін арттырады. Қазақстанда жұмсақ дағдыларды дамытудың ұлттық платформасы 2020 жылы іске қосылды. Студенттерді бейнелеу өнері бойынша оқытуда икемді дағдыларын дамытудың әдістері мен тәсілдерін, практикалық тапсырмалар мен жобалар, симуляциялар, рөлдік ойындар, интерактивті тренингтер мен семинарлар, тәлімгерлік және коучинг, онлайн курстар мен қосымшалар және қосымша іс-шараларды тиімді пайдалануға болады. Жалпы, зерттеу Қ.Жұбанов атындағы Ақтөбе өңірлік университетінің «Көркем еңбек және дизайн» кафедрасы базасында жүргізілді, онда шығармашылық мамандықтардың 117 студенті қатысты.
