ҚҰТЫРЫҚҚА ҚАРСЫ ВАКЦИНАЦИЯЛАНҒАН ҮЙ ЕТҚОРЕКТІЛЕРІНДЕ ВИРУС БЕЙТАРАПТАУШЫ АНТИДЕНЕЛЕР БАР-ЖОҚТЫҒЫНА СЕРОЛОГИЯЛЫҚ МОНИТОРИНГ
DOI:
https://doi.org/10.52269/22266070_2023_3_10Кілт сөздер:
құтырық, вакцинация, сарысулар, Қазақстан РеспубликасыАңдатпа
Мақалада Қазақстан Республикасының қалалық және ауылдық аумақтарын мекен ететін құтырық ауруына қарсы вакцинацияланған иттерді серологиялық мониторинглеу нәтижелері көрсетілген. Ғылыми жобаның күнтізбелік жоспарына сәйкес Петропавл, Алматы, Шымкент қалаларына, Солтүстік-Қазақстан (Есіл, Қызылжар), Жамбыл (Байзақ, Жамбыл) облыстары аудандарының ауылдық округтарына экспедициялық барып-келу сапарлары нәтижесінде ғылыми зерттеушілер тобы тарапынан жыныстық ерекшелігіне қарамастан 1 жастан 15 жасқа дейінгі аралықтағы түрлі өндірушілердің вакциналарымен ит құтырығына қарсы егілген иттердің қан сарысуы сынамалары алынған болатын. Қан сынамаларын алудың аталған орындары ел аумағын соңғы он жылда жануарлардың құтырық ауруы бойынша зерттеудің эпизоотологиялық сипаттамасы нәтижелері бойынша анықталды.
Сарысуды қолжетімді әдіспен зерттедік, атап айтқанда «Тікелей емес иммуноферменттк талдау әдісімен құтырыққа қарсы вакцинацияланған жануарлар қанының сарысуында құтырық вирусына антиденелер деңгейін анықтауға арналған иммуноферменттік тест-жүйесі» (өндірушісі ФГБНУ «ФЦТРБ-ВНИВИ», Ресей).
Республикамыздың солтүстік және оңтүстік өңірлерінде мекендейтін әртүрлі жас аралығындағы және жыныстағы құтырыққа қарсы инактивирленген вакциналармен иммунизацияланған иттерден 1,5-5 айдан кейін алынған қан сарысуын поствакциналды зерттеу нәтижелері үй етқоректілерінің сезімтал туыстастарына қатысты қажетті қорғаныс бөгетінің қалыптасқанынан дәлелдеп көрсетеді.
