ҮЛГІЛІК МОДЕЛЬДІҢ ӘДІСТЕМЕЛІК НЕГІЗІНДЕ СТУДЕНТТЕРДІҢ ЭКОЛОГИЯЛЫҚ МӘДЕНИЕТІН ҚАЛЫПТАСТЫРУ

Аңдатпа

Мақалада студенттердің экологиялық мәдениетін қалыптастырудың әдіснамалық негіздері үлгілік моделінің инновациялық дайындықтың мақсаты ретінде сипатталған. Авторлар қоғамдық экологиялық шектеулерге, тәуекелдерге, дағдарыстарға және өркениеттің тұрақты дамуына бағытталған заманауи шоғырландырылған әрекеттерге бейімдеу үшін білім беру ресурсы ретінде экологиялық мәдениеттің дамуына байланысты халықаралық және отандық тәжірибені қарастырды. Экологиялық мәдениет және білім беру, әлеуметтік, моральдік, ғылыми, технологиялық әдістер жиынтығы тұрғысынан студенттердің экологиялық мәдениетін қалыптастыру моделін құрудың әдіснамалық негізі жасалды. Негізделген әдіснамалық тәсіл мақсатты, міндетті, идеяны, білімді беру мен қадағалау бойынша құраушылардың өзара байланысты бірлігін қамтитын студенттердің экологиялық мәдениетін қалыптастырудың оқу-әдістемелік деңгейін көтеруге мүмкіншіліктер туындайды. Зерттеу барысында Абай атындағы КазҰПУ-нің оқу жүйесіндегі тұрақты даму мүддесі үшін экологиялық мәдениетті қалыптастыру бойынша ізденушілердің салмақты зерттеулерінің нәтижелері келтірілген. Студенттердің экологиялық мәдениетін қалыптастыруда жергілікті Іле-Алатау ұлттық паркінің әлеуметтік-экологиялық даму идеяларына негізделген үлгілік моделінің әдістемелік негіздерін ашу мақсаты ретінде сипатталған. Білім алушылардың экологиялық мәдениеті оларды кәсіби ортадағы құзыреттерінің, қоршаған ортаны қорғау бойынша экологиялық бағдарланған іс-әрекеттер мен мінез-құлықтың қалыптасуына бағыттайды, жастардың табиғи ортаны аялауға, әлемнің және тұрғылықты жердің мекен ету ортасын жақсарту бойынша көзқарастарын заманауи ағынға қарай үйлестіреді.