БОЛАШАҚ CLIL МҰҒАЛІМІНІҢ ДИСКУРСИВТІ ҚҰЗЫРЕТТІЛІГІН ҚАЛЫПТАСТЫРУДЫҢ ШАРТТАРЫ: ФОРСАЙТ – ӘДІС

Аңдатпа

Мақалада болашақ CLIL-педагогтардың дискурсивті құзыреттілікті форсайт-әдiсi негiзiнде қалыптастыруға арналған зерттеу нәтижелері, сондай-ақ оның эксперименттік және бақылау топтарында қалыптасу деңгейлерін сипаттайтын нәтижелер келтірілген. Авторлар болашақ CLIL-мұғалімнің дискурсивті құзыреттілігін қалыптастыру үшін жағдай жасаудың маңыздылығы мен қажеттілігін атап көрсетеді. Дискурсивті құзіреттілікті қалыптастыру неғұрлым тиімді болатын жағдайлар анықталып, сипатталған: педагогикалық шарттар: шет тілінде пәндерді оқуға мотивацияны арттыру құралы ретінде геймификация әдістерін қолдану; оқу-тәрбие процесінің диалогқа түсуі; әдістемелік материалдардың болуы: «Болашақ CLIL мұғалімінің дискурсивті құзыреттілігін дамыту бойынша әдістемелік ұсыныстар», сонымен қатар «CLIL мұғалімі терминдерінің глоссарийі (терминологиялық жинақ)»; ұйымдастыру-әдістемелік шарттары: оқыту технологиялары, жобалық іс-әрекет, проблемалық оқыту, нақты жағдайларды талдау (жағдайларды талдау); оқытудың әдістері мен формалары: фронтальды топтық жұптық жеке тәжірибелік сабақтар; оқу құралдары: аудиовизуалды құралдар, оқу-әдістемелік қамтамасыз ету, техникалық құралдар. Зерттеудің мақсаты болашақ CLIL мұғалімінің дискурсивті құзыреттілігін қалыптастырудың педагогикалық шарттарының тиімділігін теориялық негіздеу және экспери-менталды түрде тексеру болды. Эксперимент қатысушылары жаратылыстану-математикалық бағыттағы болашақ CLIL оқытушылары (педагогикалық 2 курстың 71 студенті).