ҚОСТАНАЙ ОБЛЫСЫ БОЙЫНША ЖАНУАР ӨНІМДЕРІНЕН БӨЛІНІП АЛЫНҒАН S.AUREUS ИЗОЛЯТТАРЫНЫҢ ТОКСИГЕНДІЛІГІН ЖӘНЕ АНТИБИОТИККЕ ТӨЗІМІДІЛІГІН ЗЕРТТЕУ.
DOI:
https://doi.org/10.52269/KGTD253194Кілт сөздер:
Staphylococcus aureus, антибиотикке төзімділік, жануар өнімдері, энтеротоксиндерАңдатпа
Мақалада Қостанай облысы бойынша жануарлар өнімдерінен бөлініп алынған S. aureus-тың
токсигенділігін және антибиотикке төзіміділігін зерттеу бойынша нәтижелер көрсетілген.
Тағамдық токсикоинфекциялар патогенді тірі микроорганизмдердің және олардың токсинде
рінің әсерінен дамиды. Бұл токсиндер микроағзалардың өздері арқылы өндіріледі немесе олардың жойылуы кезінде бөлінеді. Тағам арқылы таралатын ең қауіпті патогенді бактериялардың бірі – S.aureus, өйткені олар барлық елдер мен өңірлерде жоғары өлім-жітім деңгейіне әкелуге бейім екені
көптеген еңбектер мен ғылыми зерттеулерде анықталған. Зерттеу жұмысының негізгі мақсаты Қостанай облысы аумағында жануарлардан алынатын өнімдерден бөлініп алынған S.aureus-тың токсигенді штаммдарына мониторинг жүргізу, энтеро
токсиндерді иммунды-ферменттік талдау (ИФТ) әдісімен анықтау, биоқабықша түзілу қабілетін
және антибиотиктерге төзімділік деңгейін зерттеу болып табылады. Жүргізілген зерттеу нәтижелерінде жануарлар өнімдерінен таңдалған 178 сынамадан,
S.aureus-тың 40 штаммы бөлініп алынды. Оқшауланған изоляттарды энтеротоксиндерге зерттеу барысында анықталған токсиндердің ең көп саны А және Д типтері болып табылады. А типті
токсин 16 үлгіде (72,7%), Д типі 11 сынамада (50%) анықталды. БҚП тексеру барысында S.aureusтің изоляттары β - лактамдық антибиотиктерге және аминогликозидтерге ең жоғарғы төзіміділікті көрсетті. Сонымен қатар азықтан оқшауланған S.aureus изоляттарында биоқабықшаларды қалыптастыру қабілеті шамамен 45,5 % құрады.
