ҚАЗАҚСТАННЫҢ АҚМОЛА ЖӘНЕ ҚАРАҒАНДЫ ОБЛЫСТАРЫНДАҒЫ АЗЫҚТАРДЫҢ УЛЫ ЭЛЕМЕНТТЕРМЕН ЛАСТАНУЫ

Аңдатпа

Мақалада Қазақстанның Ақмола және Қарағанды облыстарының шаруашылықтарынан алынған азықтар мен тамыржемістердегі қорғасын (Pb), кадмий (Cd), мышьяк (As), мыс (Cu) және мырыш (Zn) сияқты улы элементтердің мөлшері зерттелген. Зерттеу нәтижелері бойынша, улы элементтердің ең көп жинақталуы концентрлі азықтарда, ал ең аз мөлшері шырынды азықтарда байқалды. Қорғасын мен кадмийдің ең жоғары мөлшері Қарағанды облысынан алынған концентрлі азық үлгілерінде сәйкесінше 3,26±0,24 мг/кг және 0,17±0,002 мг/кг деңгейінде анықталса, Ақмола облысында орташа мөлшері айтарлықтай төмен болды: қорғасын - 1,040±0,012 мг/кг (3 есе төмен) және кадмий - 0,037±0,010 мг/кг (4,5 есе төмен). Мышьяқ қалдықтары азық үлгілерінде аз мөлшерде анықталды, ал шырынды азықтар мен тамыржемістерде көбінесе жоқ болды. Мыс пен мырыштың мөлшері Қарағанды облысынан алынған азықтарда аздап жоғары болды, тек Көкшетау қаласындағы жеке кәсіпорыннан алынған концентрлі азықтардағы мыстың мөлшері нормадан 1,4 есе асып кетті