ӘРТҮРЛІ ЖАНУАРЛАР МАЙЛАРЫНЫҢ ВЕТЕРИНАРИЯЛЫҚ-САНИТАРИЯЛЫҚ САРАПТАМАСЫ МЕН ҚАУІПСІЗДІГІ

Аңдатпа

Әртүрлі жануалар майлары - ет комбинаттарында жануарлардың ұшаларын өнеркәсіптік өңдеу барысында алынатын және тамақ өнеркәсібінде қолданылатын мал шаруашылығы өнімдерінің бірі болып табылады. Зерттеу барысында сиыр, жылқы және қой майларының физика-химиялық көрсеткіштері салыстырмалы түрде зерттелді; майдың түрлі бүліну түрлерін ескере отырып, оны сақтау мерзімінің оңтайлы уақыты және тағамдық қасиеттерін сақтау үшін ақауларды залалсыздандырудың тиімді тәсілдері анықталды. Бұл зерттеуде сиыр, қой және жылқы майларының физика-химиялық қасиеттері салыстырмалы түрде қарастырылды. Сиыр майының балқу температурасы – 50,37±0,42 °C, ол қой майына (47,53±2,19 °C) қарағанда және мемлекеттік стандартпен салыстырғанда 1,76% жоғары екені анықталды. Бұл сиыр майында пальмитин мен стеарин тәрізді қаныққан май қышқылдарының көп болуымен түсіндіріледі. Жылқы майының балқу температурасы төмен (33,80±1,15 °C), себебі оның құрамында олеин қышқылы басым. Сыну көрсеткіші барлық үлгілерде нормаға сәйкес келеді, тек қой майының 3 сынамасында аздаған ауытқу байқалды. Ылғалдылық бойынша ең жоғары көрсеткіш қой майында (0,277±0,014%) тіркелді, бұл сақтау кезінде зең мен микроорганизмдердің дамуына ықпал етуі мүмкін. Зерттеу нәтижелері жануар майларының сапасын бағалауда олардың физика-химиялық көрсеткіштерін ескеру қажеттігін дәлелдейді.