БОЛАШАҚ ӘЛЕУМЕТТІК ПЕДАГОГ-ЭРГОНОМИСТТІ КӘСІБИ ҚЫЗМЕТКЕ ДАЙЫНДАУ МОДЕЛІ

Аңдатпа

Бұл мақалада Әлкей Марғұлан атындағы Павлодар педагогикалық университетінің, Л.Н.Гумилев атындағы Еуразия ұлттық университетінің, Қ.Жұбанов атындағы Ақтөбе өңірлік университетінің, Әл-Фараби атындағы Қазақ ұлттық университетінің, Ш. Уәлиханов атындағы Көкшетау университетінің «Әлеуметтік педагогика» мамандығы бойынша білім алушылар арасында жүргізілген зерттеу нәтижелері сипатталған. Зерттеу нәтижелері бойынша авторлар 
бүгінгі таңда Қазақстанның білім беру мекемелерінде педагогтың білім берудегі рөлі түбегейлі өзгерді деген қорытындыға келді. Ол ақпарат көзі болуды тоқтатты. Бүгінгі таңда мұғалімнің негізгі қызметі-оқушылардың танымдық үдерістерін белсендіру. Ол білім алуда олардың кеңесшісі және әріптесі, оқытудың фасилитаторы, досы, көмекшісі, үлгі-өнегесі, тәлімгері, яғни білім алушыларды белсендіретін және оларды өз білімдерін үнемі толықтыруға ынталандыратын тұлға ретінде әрекет етеді. Сондықтан әлеуметтік педагог-эргономист мамандығы өзекті болып табылады. Әлеуметтік педагог-эргономист әрбір білім алушы үшін өмір мен денсаулықты қорғауды қамтамасыз ететін жайлы және қауіпсіз жағдай жасайды, сондай-ақ оқушының құқықтары мен бостандықтарын іске асыруға ықпал етеді. Авторлар әлеуметтік педагог-эргономист 
түлегінің моделін, «Әлеуметтік педагогика» мамандығының білім алушыларына арналған «эргономикалық білім беру кеңістігі» электрондық оқу құралын әзірледі.