БОЛАШАҚ МҰҒАЛІМНІҢ КӘСІБИ-ЗЕРТТЕУ МӘДЕНИЕТІНДЕГІ SOFT SKILLS ДАМЫТУ ҮШІН ФОРСАЙТТЫҚ ЖОСПАРЛАУ
DOI:
https://doi.org/10.52269/Кілт сөздер:
форсайтты жоспарлау, білім беру үрдістері, білім беру бағдарламасы, soft skills, кәсіби зерттеу мәдениеті, болашақ мұғалімдерді дайындау.Аңдатпа
Мақала болашақ мұғалімнің кәсіби зерттеу мәдениетінде soft skills (жұмсақ дағдыларды) дамыту үшін форсайтты жоспарлауға арналған. Жылдам өзгеретін білім беру ландшафты мен цифрлық трансформация жағдайында мұғалімдерге кәсіби біліммен қатар эмоционалдық интеллект, шығармашылық, коммуникативті дағдылар және сыни ойлау сияқты кең ауқымды «жұмсақ» дағдыларды дамыту қажет екені анық. Мақалада болашақ педагогтарға қойылатын талаптарды анықтайтын тенденциялар қарастырылып, талап етілетін құзыреттіліктерді болжау үшін форсайт-жоспарлау әдістері ұсынылған. Болашақ мұғалімдердің білім беру ортасындағы жаңа сын-қатерлерге бейімделуіне мүмкіндік беретін зерттеушілік мәдениетті дамытуға ерекше көңіл бөлінеді. Экспериментке педагогикалық мамандықтар бойынша колледж және жоғары оқу орны («ЗЕРЕК Колледжі» ЖК және «Ахмет Байтұрсынұлы атындағы ҚӨУ» КЕАҚ) студенттерінің корпусын зерттеу кірді, оның мақсаты – жұмсақ дағдылардың қазіргі деңгейін анықтау және болашақ мұғалімнің кәсіби-зерттеу мәдениетіндегі soft skills дамытудың форсайт-жоспарлау бағдарламасын әрі қарай жетілдіру. Авторлар бұл дағдыларды педагогикалық даярлық жүйесіне енгізудің маңыздылығын атап өтеді, себебі бұл мұғалімдердің болашақтағы жағдайларда табысты кәсіби қызметін қамтамасыз етуге мүмкіндік береді. Оқытудың инновациялық әдістерін енгізудің және мұғалімдердің кәсіби өсу үдерісіне қолдау көрсетудің ықтимал тәсілдері де қарастырылған. Зерттеудің практикалық маңыздылығы оның нәтижелерін болашақ педагогтарда табысты кәсіби қызмет үшін қажетті soft skills дағдыларын дамытуға бағытталған білім беру бағдарламаларын оңтайландыруда қолдануға болатынында жатыр.
