АУЫЛ МЕКТЕПТЕРІНІҢ 13-14 ЖАСТАҒЫ БОКСШЫЛАРЫНДА ЖЫЛДАМДЫҚТЫ ҮЙЛЕСТІРУ ҚАСИЕТТЕРІН ДАМЫТУҒА КЕШЕНДІ ОҚЫТУ БАҒДАРЛАМАСЫНЫҢ ӘСЕРІ
DOI:
https://doi.org/10.52269/SRDG2612047Кілт сөздер:
Жылдамдықты үйлестіру қасиеттері, 13-14 жастағы жасөспірімдер, бокс, ауыл мектептері, кешенді оқыту бағдарламасы, жаттығу, жаттығу әдістемесіАңдатпа
Мақалада ауыл мектептерінде жаттығатын 13-14 жас аралығындағы боксшылардың жылдамдықты үйлестіру қасиеттерін дамыту мәселесі зерттелді. Зерттеудің мақсаты –жасөспірімдердің жылдамдық үйлестіру қасиеттерін дамыту деңгейін арттыруға бағытталған тиімді жаттығу әдістерін анықтау. Зерттеу жасөспірімдердің жас ерекшеліктерін, ауылдық жерлердегі спорттық база мен жаттығу жағдайларының шектеулілігін ескере отырып жүргізілген. Сонымен қатар мақалада жылдамдық пен қозғалыс үйлесімділігін дамытуға бағытталған жаттығулардың бокс техникасын жетілдірудегі маңызы айқындалады. Зерттеу нәтижелері жүйелі және мақсатты ұйымдастырылған жаттығу үдерісі жас боксшылардың қимыл дәлдігін, реакция жылдамдығын және жалпы спорттық дайындығын арттыратынын көрсетеді. Эксперименттік әдіс негізінде зерттеу 24 жасөспірім боксшы арасында жүргізілді. Қатысушыларға жылдамдық пен үйлестіруді дамытуға арналған арнайы жаттығу кешені ұсынылды. Зерттеу барысында физикалық және үйлестіру қабілеттері жылдамдық белсенділігі, раундтық төзімділік, координация, реакцияларды анықтау арқылы бағаланды. Нәтижелер көрсеткендей, жүйелі және мақсатты жаттығулар реакция жылдамдығы, аяқ-қол үйлестіру және тепе-теңдік көрсеткіштерін елеулі түрде жақсартты. Сонымен қатар, әдістеме ауыл мектептерінде қолжетімді құралдар арқылы тиімді түрде жүзеге асыруға мүмкіндік беретіндігі дәлелденді. Зерттеу қорытындысы бойынша, 13-14 жас аралығындағы боксшыларда жылдамдықты үйлестіру қасиеттерін дамыту спорттық нәтижелерді жақсартуға және техникалық шеберлікті арттыруға тікелей әсер етеді. Нәтижелер ауылдық мектептердің және басқада балалар мен жасөспірімдер спорт мектептері жаттығу бағдарламаларына енгізуге ұсынылады.
