БІЛІМ АЛУШЫЛАРДЫҢ АКАДЕМИЯЛЫҚ ЖАЗБАША ҚҰЗЫРЕТТІЛІГІН ДАМЫТУ ҮШІН ЦИФРЛЫҚ АССИСТЕНТТІ ЕНГІЗУДІҢ ЕРЕКШЕЛІКТЕРІ

Аңдатпа

Білім беру процесіне цифрлық ассистенттерді енгізу алдын ала зерттеулер мен оқытушыларды даярлауды талап ететін жаңа әдістемелік және дидактикалық тәсілдерді көздейді. Жасанды интеллект пен интерактивті цифрлық құралдармен қамтамасыз етілген мүмкіндіктерді тиімді пайдалану үшін академиялық жазбаша құзыреттілікті дамыту дербестендірілген және бейімделген оқыту тұрғысынан қарастырылуы керек. Жоғары білім беру жүйесінде цифрлық ассистенттер цифрлық трансформация шеңберінде барған сайын белсенді енгізілуде, алайда олардың педагогикалық әлеуеті жиі іске асырылмай қалады. Мақалада интерактивті кері байланыс, жеке көмек және мәтінді нақты уақыт режимінде автоматты түрде түзету арқылы академиялық жазу процесін қолдауда цифрлық ассистенттерді қолданудың практикалық мысалдары келтірілген. Сонымен қатар, цифрлық ассистенттердің оқу материалдарын құрылымдау, жазба стратегияларын қалыптастыру және білім алушылардың жазбаша тілін дамытудағы рөлі кеңінен талданады. Академиялық сауаттылықты қалыптастыру мақсаттарына бағытталған цифрлық ассистенттердің мамандандырылған функцияларын әзірлеу қажеттілігі атап өтілді. Цифрлық ассистент идеяларды ұйымдастыру құралы, жазбаша сөйлеуді жетілдіру ресурсы және білім алушылардың рефлексиясы мен өзін-өзі бағалауын дамыту мүмкіндігі ретінде қарастырылады. Цифрлық ассистент идеяларды ұйымдастыру құралы, жазбаша сөйлеуді жетілдіру ресурсы және білім алушылардың рефлексиясы мен өзін-өзі бағалауын дамыту мүмкіндігі ретінде қарастырылады, сонымен бірге оқу процесін жекелендіру деңгейін арттыруға мүмкіндік береді.