УЫЗДЫ ЖЕДЕЛ МҰЗДАТУДЫҢ G ИММУНОГЛОБУЛИНІНІҢ САҚТАЛУЫНА ЖӘНЕ ЖАҢА ТУҒАН БҰЗАУЛАРҒА ПАССИВТІ ИММУНИТЕТТІҢ БЕРІЛУІНЕ ӘСЕРІ

Аңдатпа

Бұл мақалада уызды стандартты және шоктық әдіспен мұздату технологияларының иммуноглобулин G (IgG) сақталуына және бұзауларда пассивті иммунитеттің берілу көрсеткіштеріне салыстырмалы бағасы ұсынылған. Бақыланатын тәжірибеде голштин тұқымының 20 жаңа туған қашары екі топқа (n=10) бөлінді. Әр топқа әртүрлі технологиямен мұздатылған уыз берілді. Уыздың сапасы рефрактометрия арқылы бағаланды, ал уыздағы IgG концентрациясы және бұзаулардың сарысуындағы IgG деңгейі радиалды иммунодиффузия әдісімен анықталды; қан туғаннан кейін 48 сағат өткен соң алынды. Нәтижелер бастапқы уыз сапасы бірдей жоғары болған жағдайда (23,50 ± 0,10 %Brix) еріткеннен кейін шоктық мұздату стандартты мұздатумен салыстырғанда IgG концентрациясын жоғары деңгейде сақтайтынын көрсетті (57,80 ± 1,45 г/л және 52,35 ± 3,31 г/л, p <0,01), сондай-ақ %Brix көрсеткіші жоғарырақ болуға бейім болды (23,35 ± 0,28 және 21,07 ± 0,45, p = 0,12). Шоктық мұздатылған уызда құрғақ зат мөлшері (28,96 ± 0,63% және 27,16 ± 1,55%, p = 0,04) және протеин (22,68 ± 0,47% және 20,19 ± 0,89%, p <0,01) жоғары болды. Алайда негізгі көрсеткіш — бұзаулардың 48 сағаттағы сарысулық IgG деңгейі — топтар арасында сенімді айырмашылық көрсетпеді (22,29 ± 4,24 және 21,12 ± 3,85 мг/мл ± 3,85 мг/мл, p=0,18), әрі барлық жағдайда пассивті иммунитеттің берілуі сәтті болды (IgG >10 мг/мл). Екі айлық жаста өсу көрсеткіштері мен қан биохимиясы топтар арасында салыстырмалы болды (p >0,05). Осылайша, жоғары сапалы уыз қолданылғанда екі технология да пассивті иммундануды толық қамтамасыз етеді, ал шоктық мұздату еріткеннен кейін IgG мен ақуыз фракциясының жақсырақ сақталуына байланысты уыз банктері үшін технологиялық жетілдіру ретінде қарастырылуы мүмкін.