ҚОСТАНАЙ ОБЛЫСЫ ЖАҒДАЙЫНДА МАЙЛЫ ЗЫҒЫРДЫ ӨСІРУДІҢ СОРТТЫҚ ЕРЕКШЕЛІКТЕРІ

Аңдатпа

Эксперименттік зерттеулер «Заречное» СХОС ауыл шаруашылығы дақылдарының селекциясы зертханасының полевой стационарында, Қостанай облысының құрғақ дала аймағында жүргізілді. Зерттеудің мақсаты – Қостанай облысының жағдайында майлы зығырдың әртүрлі үлгілері (сорттары) өнімділігі мен майлылығын зерттеу және олардың ішінен өндіріс пен селекцияда әрі қарай пайдалану үшін ең перспективті сорттарды анықтау. Мақалада Қостанай облысының агроклиматтық жағдайында майлы зығырдың сорттық ерекшеліктерін кешенді зерттеудің нәтижелері ұсынылған. Сорттарға негізгі құнды агрономиялық белгілері бойынша салыстырмалы талдау жүргізілді. Даладағы зерттеулер топырақты минималды өңдеу жағдайында, аймақтың құрғақ климатының ерекшеліктерін ескере отырып жүргізілді. Алынған деректер көрсеткендей, сортты таңдау тұрақты өнімділік пен жоғары майлылықты қамтамасыз етудегі негізгі фактор болып табылады. Жоғары өнімділік көрсететін, жатып қалуға және қолайсыз климаттық жағдайларға төзімді, сонымен қатар егіс алқаптарының биологиялық тұрақтылығын сақтауға қабілетті сорттар анықталды. Зерттеу нәтижелерінің практикалық маңызы зор: олар солтүстік дала аймағының ауыспалы егіс жүйесіне ең жақсы бейімделген майлы зығыр сорттарын енгізуге мүмкіндік береді, бұл өндірістің рентабельдігін арттыруға және агроэкожүйелердің тұрақтылығын қамтамасыз етуге бағытталған. Аталған ұсыныстар шаруашылықтардың сорттық саясатын жоспарлау мен құрғақ аймақтардағы майлы зығыр өндірісін интенсификациялау стратегияларын әзірлеу кезінде пайдаланылуы мүмкін.