ЖЕРГІЛІКТІ ЖАБЕ ТҰҚЫМДАС ЖЫЛҚЫЛАРЫНЫҢ ҚАЗАҚСТАНДЫҚ ПОПУЛЯЦИЯСЫНДАҒЫ SNP ПОЛИМОРФИЗМДЕРІН ЗЕРТТЕУ НӘТИЖЕЛЕРІ

Аңдатпа

Мақала авторлары Алматы облысы Жамбыл ауданы «Қызылсоқ» шаруа қожалығына қарасты 46 бас жергілікті жабе тұқымдас жылқыларына келесі ген локустары бойынша LCORL, PRKAG3 и B3GALNT2 генотиптеу жұмыстарын жүргізген. Зерттеу нәтижесінде осы тәжірибе топтарындағы жылқыларда LCORL, PRKAG3 гендерінің локустары бойынша генетикалық полиморфизм анықталған, атап айтқанда бірінші ген бойынша СС (89,13 %),  СG (10,87%), генетикалық варианттары, екінші PRKAG3 ген локусы бойынша гомозиготалы СС (95,23%) генотипінің басым кездескені анықталған, ал басқа гетерозиготалы генотикалық впарианттың кездесуі 4,77% құраған. Сонымен қатар, тәжірибе жүргізген жылқыларда зерттелген ген локустары бойынша GG және TT гомозиготалы жануарлары анықталмаған, екі зерттеу локустары бойынша да жылқылардың гендік тепе теңдіктің бұзылғаны көрсетілген, екі топ бойынша да С=-0,94, С=0,97 аллелдерінің жиілігі жоғары, ал керісінше G=0,06 мен Т=0,03 жиілігі мүлдем төмен болды.  Тәжірибе тобындағы жылқыларда гомозиготалық деңгейі анықталған, LCORL локусы бойынша – көрсеткіш  89,13% болды, екінші   PRKAG3 гені бойынша - 95,23%, ал гетерозиготалық дәрежесі сәйкесінше, 10,87% және  4,77% болды. Жабе тұқымдас жылқыларында ПТР-РФҰП әдісімен зерттеу нәтижесінде B3GALNT2 генінің құрамындағы зиянды мутацияның гетерозиготалы тасымалдаушылары жоқ екені анықтьалды. Болашақта LCORL генінің құрамындағы BIEC2-808543 SNP полиморфизмін және PRKAG3  генінің ақпарат беретін бөлігіндегі AAWR_02017454:g.121684T>C    полиморфизмін жылқылардың ет және өсіп өну өнімділігін болжау үшін ДНҚ маркерлері ретінде қолдануды ұсынамыз.