ЛЕПТОСПИРОЗ КЕЗІНДЕГІ ІРІ ҚАРА МАЛ ҚАНЫНДАҒЫ ЭТИОПАТОГЕНЕТИКАЛЫҚ ӨЗГЕРІСТЕР

Аңдатпа

Бұл жұмыста лептоспирозбен ауыратын малдың клиникалық көрінісін, патоанатомиялық өзгерістерін, қанның морфологиялық және биохимиялық көрсеткіштерін зерттеу нәтижелері берілген. Ауырған жануарларда анемияның және созылмалы қабыну процесінің дамуымен сипатталатыны және гемоглобин деңгейінің 120,6±5,4 г/л-ге дейін, эритроциттер деңгейінің 4,61±0,39 млн/мкл-ге дейін төмендеуі, эритроциттердің шөгу жылдамдығының 2 ,5-4,0 мм/сағ дейін жоғарылауы анықталды. Био­химиялық көрсеткіштерден жалпы белоктың 70,5±1,1 г/л төмендеуі, АЛТ және АСТ деңгейінің сәйкесінше 98,59±3,2 және 167,75±8,8 бр/л-ге дейін жоғарылауы, жалпы билирубин 21 ,95±1,08 мкмоль/л, сонымен қатар креатининнің 142,21±8,3 мкмоль/л дейін және несептің 21,71±0,33 ммоль/л дейін жоғарылауы байқалады. Алынған нәтижелер лептоспирозда болатын патологиялық процестерді ғылыми жұмыстарда сипаттаған ғалымдардың деректерін растайды. Бауыр ферменттерінің санының артуы лептоспира арқылы гемолитикалық токсиндердің бөлінуімен байланысты болуы мүмкін, ал билирубин деңгейінің жоғарылауы өт жолдарының зақымдалуын көрсетеді. Мұндай өзгерістер лептоспиралардың патогендік факторларынан туындаған этиопатогенездегі ауру жануардың организ­мінде дамуының салдары болып табылады және анемиямен, гемоглобинуриямен және шырышты қабықтардың және терінің сарғаюымен сипатталатын осы ауру үшін ерекше патологиялық-анатомиялық көріністі тудырады.