ЦИФРЛЫҚ ДӘУІРДЕГІ КЕЙС ӘДІСІ: КӘСІБИ БІЛГІЛІКТІ ДАМЫТУ

Аңдатпа

Заманауи әлемде цифрлық технологиялар өмірдің барлық салаларына еніп, біздің күнделікті өміріміздің көптеген аспектілеріне, соның ішінде еңбек әрекеттеріне әсер етті. Нәтижесінде, бұрын мансаптық табыстың кілті болып саналатын кәсіби дағдылар енді әрі қарай бейімделу мен дамуды қажет етеді. Мақсаты – заманауи талаптарға тиімді бейімделе алатын болашақ мұғалімдерді дайындау үшін цифрлық дәуірде кейс әдісін қолдану ерекшеліктерін зерттеу. Міндеттері: кейс әдісінің теориялық негіздерін және оның оқу тәжірибесіндегі маңызын, олардың цифрлық ортадағы артықшылықтары мен шектеулерін талдау және т.б. Мақалада цифрлық дәуірдің кәсіби дағдыларға әсерімен байланысты негізгі тенденциялар мен қиындықтарға шолу жасалған. Сондай-ақ цифрландыру мен жасанды интеллектті енгізумен байланысты қарқынды дамып келе жатқан технологиялардан туындайтын жаңа дағдыларға қойылатын талаптар қарастырылады. Таңдалған практикалық әдістер мен тәсілдер цифрлық дәуірде кәсіби дағдыларды дамытуда кейс әдісін қолданудың мүмкіндіктері мен артықшылықтарын көрсетеді.   Ұсынылған зерттеудің нәтижелері цифрлық дәуірде кәсіби дағдыларды дамытуда кейс әдісін және басқа да инновациялық әдістерді қолдану бойынша ұсынымдар мен практикалық кеңестер, сондай-ақ кейстерді дайындау, оқыту жүргізу және тиімділікті бағалау кезінде ескеру қажет негізгі аспектілер болып табылады. Сонымен, кейс-әдісі цифрландырумен ұштастыра отырып, студенттердің табысты кәсіби іс-әрекетіне қажетті аналитикалық, сыни, әлеуметтік және көшбасшылық дағдыларын дамытуға мүмкіндік беретін тиімді оқыту әдісі болып табылады.