ҚР КӘСІПКЕРЛІК БІЛІМ БЕРУДІ ДАМЫТУ ТӘЖІРИБЕСІ БОЙЫНША ҰСЫНЫСТАР МЕН БОЛЖАМДАР
DOI:
https://doi.org/10.52269/22266070_2023_3_119Кілт сөздер:
Университет 3.0, инновациялық және кәсіпкерлік экожүйе, кәсіпкерлік ЖОО, майнор, кәсіпкерлік қызмет, кәсіпкерлік ЖОО зерттеуАңдатпа
Мақала ұйымдардың табыстылық деңгейін және Қазақстанның кәсіпкерлік университеттерін дамыту стратегияларын іске асыруды зерттеуге арналған. Зерттеудің өзектілігі Университеттің 3.0 моделіне көшуге және жоғары білім саласындағы осыған сәйкес жаңалықтарға байланысты. Зерттеудің мақсаты кәсіпкерлік университеттердің қызметін талдау негізінде олардың даму болжамдарын жасау. Зерттеу әдістемесі қазақстандық ғалымдардың кәсіпкерлік жоғары оқу орындарын дамыту, олардың стратегияларын іске асыру мысалдары бойынша зерттеулерін талдау нәтижелеріне, сондай-ақ Астана, Алматы және Павлодар қалаларындағы кәсіпкерлік жоғары оқу орындарының студенттері мен ПОҚ пікірлерін зерделеудің практикалық тәжірибесіне негізделеді.
Жүргізілген зерттеудің құндылығы қазақстандық кәсіпкерлік жоғары оқу орындарының тәжірибесін теориялық және практикалық зерттеу нәтижелерін талдау және жалпылау, олардың даму болжамдарын жасау, сондай-ақ жоғары оқу орындарының даму перспективаларын жақсарту бойынша ұсыныстар болып табылады. Зерттеу нәтижелері кәсіпкерлік жоғары оқу орындарының стратегияларын іске асыруда және жоғары оқу орындарында кәсіпкерлік бағытты дамытудың жалпы тұжырымдамасын жасауда қолданылуы мүмкін. Мақалада қарастырылған тұжырымдар 2.0 университеттерінен 3.0 университеттеріне көшу тетіктерін анықтау мақсатында дереккөздерді жинау, жүйелеу және талдау жұмыстарының нәтижелеріне негізделеді.
