Қашықтан оқытуды синхрондау әдістері мен ерекшеліктері

Аңдатпа

Қазіргі жоғарғы оқу орындарының басты бағыттарының бірі әрбір білім алушы өз дамуының субъектісі бола алатын жағдайға жетуді көздейтін білім беруді ұйымдастыру болып табылады. Оқу үрдісін ұйымдастыру формасы немесе оқытуды ұйымдастыратын формасы - бұл білім беру урдісінде орны, уақыты, тыңдаушылар саны, ерекше өзара байланысқан қатысушылары бар сондай-ақ, мақсатты, мазмұнды және әртүрлі технологиялардан тұратын оқу үрдісі. Қашықтықтан оқыту курстары оқу және бақылау тапсырмаларын орындап қана қоятын құр материалдар жинағы болып қана қоймай, бұл мұғалімдер мен тыңдаушылар арасындағы шынайы диалог болуы тиіс, яғни қашықтықтан оқыту басырысын синхрондау маңызды. Бұдан шығатыны,теориялық талдаулар, эксперименттік тексеру, жауапты ғылыми-зерттеу жұмыстары талап етіледі. Өкінішке орай біздің интернетте көріп жүргендеріміз компакт-дискілердегі электрондық оқулықтар педагогикалық талаптарға жауап бере алмайды. Сол себепті қашықтан оқыту курстарын жасақтаумен және оны әртүрлі базалық, тереңдетілген, қосымша білім беру мақсаттарындағы әдістемелер қолданумен байланысты синхрондау мәселелерін шешудің мәні зор.