ТРЕНИНГ ПЕДАГОГИКАЛЫҚ ЖОО СТУДЕНТТЕРІНІҢ ЖЕКЕ БАСЫНЫҢ ЭТНИКАЛЫҚ БІРЕГЕЙЛІГІН ДАМЫТУ ҚҰРАЛЫ РЕТІНДЕ

Аңдатпа

Мақалада этникалық бірегейліктің даму ерекшеліктерін, оның құрылымы мен ЖОО-ның полиэтникалық ортасы жағдайындағы типтерін зерттеу нәтижелері келтірілген. Авторлар психологиялық-педагогикалық әдебиеттерде этникалық сәйкестік феноменін зерттеп, әлеуметтену процесінде этникалық сәйкестіктің қалыптасу ерекшеліктерін ашты.Қалыпты этникалық бірегейлікті қалыптастыру жаһандық толеранттылық жолындағы маңызды кезең болып саналады. Мақалада аналитикалық жұмыс барысында адамның этникалық бірегейлігін дамытудың тиімді құралдарын табуға ерекше назараудару қажет деген қорытынды жасалады.

Болашақ педагогтардың этникалық бірегейлігін дамыту бойынша тренинг бағдарламасы әзірленіп, сынақтан өткізілді. Педагогикалық ЖОО студенттерінің мақсатты аудиториясы ретінде таңдау олардың болашақ кәсіби қызметінде қазақстандықтардың өскелең ұрпағында этномәдени құзыреттілік пен толеранттылық трансляторларының рөліне берілуіне байланысты. Тренингтің мақсаты қатысушыларды қалыптасқан этникалық стереотиптер және олардың қарым-қатынасқа төзбеушілікке әсері туралы хабардар етуге бағытталған; тренинг барысында толерантты өзара әрекеттесу жағдайлары үлгіленді.Зерттеу барысында алынған нәтижелер педагог-психологтардың этникалық бірегейлікті, жеке тұлғаның толеранттылығын дамыту мәселелері бойынша психологиялық-педагогикалық көмек көрсетудегі практикалық қызметінде пайдаланылуы мүмкін.