ЖЕКЕ БРЕНДТІ ДАМЫТУДАҒЫ ЦИФРЛЫҚ БІЛІМ БЕРУ РЕСУРСТАРЫ: БОЛАШАҚ МҰҒАЛІМДЕРГЕ САУАЛНАМА ЖҮРГІЗУ

Аңдатпа

Білім беру кеңістігі қоғам өмірінің ең консервативті салаларының біріне жататынына қарамастан, бүгін күні онда түбегейлі өзгерістер байқалады: танымның сипатын қайта қарау, білім беру мақсатының өзгеруі және осыдан туындайтын мәселе – мамандардың даярлаудың еңбек нарығы талаптарына сәйкес келмеуі. Авторлар мұғалімнің кәсіби дайындығында жеке брендті дамытудың маңыздылығын атап көрсетеді. Қазіргі білім беруде цифрлық білім беру ресурстары өзекті болғандықтан, бұл мақалада жеке брендті дамытудағы цифрлық білім беру ресурстарының әлеуетті мүмкіндіктері қарастырылады. Мақалада педагогикалық университеттің студенттері арасында мұғалімнің жеке брендін дамытудағы цифрлық білім беру ресурстарының рөлін түсінуіне жүргізілген сауалнаманың талдауы сипатталған. Сауалнама әлеуметтік медианы цифрлық білім беру ресурстарының бір түрі ретінде пайдалану тәжірибесі туралы сұрақтарды қамтыды. Нәтижелер студенттер жеке брендті дамытуда цифрлық білім беру ресурстарының маңыздылығын түсінеді деген қорытынды жасауға мүмкіндік береді. Алайда, сауалнамаға қатысқан респонденттердің көпшілігі бұл ресурстарды жеткіліксіз пайдаланады. Авторлар болашақ мұғалімдерді жеке брендті дамытуда тиімді пайдалануға дайындау үшін педагогикалық жоғары оқу орындарының үйірме жұмысының оқу жоспарына цифрлық білім беру ресурстарын пайдалануды оқытуды қосуды ұсынады.