ЖАЛПЫ БІЛІМ БЕРЕТІН ЖƏНЕ ИННОВАЦИЯЛЫҚ МЕКТЕП БІЛІМ АЛУШЫЛАРЫНЫҢ ШАҒЫН – ЖОБАЛЫҚ ƏДІСІНІҢ САЛЫСТЫРМАЛЫ ТАЛДАУЫ
Кілт сөздер:
шағын-жобалық əдіс, жалпы білім беру қызметі, инновациялық қызмет, талдауАңдатпа
Қазіргі уақытта əлемдік білім беру жүйесінде революциялық өзгерістер орын алуда. Оқу материалдарын беру мен игерудің жалпы жүйесін қайта құрумен қатар, жеке практикалық тапсырмалардың əдістері, оның ішінде жобалық жұмыстарға ерекше жəне басты рөл берілуде. Бұл жұмыстың мақсаты Қазақстан Республикасының Назарбаев Зияткерлік мектептерінің желісі жататын жалпы білім беретін мектептер мен инновациялық білім беретін жетекші мектептер деңгейінде қазіргі заманғы білім беруде оқушылардың ғылыми шағын-жобалық қызметке тартылуын талдау болып табылады. Бұл жұмыс екі мектепте жобалық жұмыс қалайша жүзеге асатыны, оқушылардың жобалық жұмыстарға тарту сапасы көрсетілген. Шағын жобалық тапсырмалар мен сауалнамаларды талдау мысалында оқушылардың жобалық белсенділігі мен олардың нəтижелері оқушылардың бастапқы дайындық деңгейіне, тақырыптың проблемаларына, жаңа шешімдерді іздеуге, жаңа білім мен дағдыларды алуға, өзін-өзі тануға жəне өзін-өзі көрсетуге, оқушылардың бəсекеге қабілеттілігі мен жеке қасиеттеріне əсер ететіндігі көрсетілген. Бұл мақалада əр түрлі деңгейлі мектептерде жобалық əдістің жүзеге асырылуы салыстырмалы түрде талданған.
