ХАЛЫҚТЫҢ ҚАРЖЫЛЫҚ МӘДЕНИЕТІН ҚАЛЫПТАСТЫРУДЫҢ ПЕДАГОГИКАЛЫҚ АСПЕКТІЛЕРІ: ЭКОНОМИКАЛЫҚ ДАМУ ФАКТОРЫ РЕТІНДЕ ҚАРЖЫЛЫҚ САУАТТЫЛЫҚ
DOI:
https://doi.org/10.52269/SKVC2622030Кілт сөздер:
қаржылық сауаттылық, қаржылық мәдениет, экономикалық даму, педагогика, қаржылық білім, оқыту тәуекелдері, цифрлық қауіпсіздікАңдатпа
Мақалада қаржылық сауаттылық экономика, қаржы және педагогика тоғысында орналасқан пәнаралық санат ретінде қарастырылады және оның мемлекеттің экономикалық дамуы мен қаржылық қауіпсіздігінің тұрақтылығына әсері талданады. Әртүрлі жас кезеңдерінде халықтың қаржылық мәдениетін қалыптастырудың педагогикалық тетіктеріне, сондай-ақ қаржылық сауаттылықты оқыту процесінде туындайтын тәуекелдерге ерекше назар аударылады. Практикалық құзыреттілікті, сыни ойлауды және жауапты қаржылық мінез-құлықты дамытуға бағытталған жүйелі педагогикалық тәсіл қажеттілігі негізделеді. Мақалада әртүрлі жас топтарындағы халықтың қаржылық мәдениеті мен сауаттылығын қалыптастырудың педагогикалық тетіктерін эксперименттік зерттеу нәтижелері ұсынылған. Зерттеу оқушыларды, студенттерді және ересектерді қамтыды. Зерттеуде сұхбат, фокус-топтар, бақылау, сондай-ақ деректерді талдаудың сандық және сапалық статистикалық әдістерін қамтитын кешенді әдіс қолданылды, бұл білім беру практикаларының тиімділігін растады. Көрсеткiштердiң неғұрлым өсуi студенттерде анықталды, бұл практикаға бағдарланған оқытумен байланысты. Қаржылық сауаттылық деңгейі мен халықтың жауапты қаржылық мінез-құлқы арасында оң корреляция орнатылды. Қаржылық білім беру тәуекелдерінің сыныптамасы, оларды бағалау критерийлері және теріс салдарларды барынша азайту жөніндегі ұсынымдар ұсынылды. Экономикалық ойлауда қаржылық мiнез-құлықтың маңызын растайтын қаржылық сауаттылық мәдениетiн қалыптастырудың практикалық аспектiлерiнiң қазiргi жай-күйiне назар аударылды.
